Taitung Day 4
DAY 4- 花蓮太魯閣
清水斷崖 、太魯閣牌坊、砂卡礑、燕子口、天祥、長春祠、七星潭->書店->南華老牌牛肉面->中華路行街
清早的早餐非常美味, 而且環境好好, 真係好鐘意住係哩度`
今日主要行程係花蓮太魯閣, 又係包車一日遊, 包車叔叔係尋日小陳介紹的花蓮地膽朋友
花蓮太魯閣係一個非常非常大的國家公園, 包車叔叔話可以係入面露營, 而且仲有沖涼的設備, 夜晚睇星星好靚, 有機會都想黎一黎CAMPING 添~
我哋第一個景點由清水斷崖, 到入山到最後長春祠, 都玩咗大半日, 可能我哋行得比較慢,
好似行砂卡礑步道就行咗成個鐘, 所以之後的午餐就要係太魯閣食簡餐了~
太魯閣我覺得真係好靚, 係一個保育得唔錯的國家公園
砂卡礑步道幾得意, 睇到以前的部族要每次都行出行入, 而且又咁有韌力開闢步道真係好勁, 好ADMIRE 佢哋
我哋行咗差不多一個鐘, 不過因為有些石係頭頂, 所以日頭晒唔到, 其實都幾好行吓~~~
行到去五間小鋪嗰段, 買咗少少嘢就回頭返黎
之後的景點要開始用安全帽, 雖然好似好煩咁, 但包車叔叔話戴咗安全D WOR~~~
(之後睇返原來真係有人俾沙石整到個頭GA)
燕子口
天祥
長春祠
午餐係太魯閣食水餃
遊覽完太魯閣後, 去下一個景點七星潭
未去之前, 聽到七星潭,乍聽之下似乎是一個星星狀的湖泊地形,
但諗唔到到 七星潭係一個新月型的海灣, 七星潭是礫石灘,只能玩水丟石頭釣河豚…不能下海游泳
聽聞係因為之前隔離有機場, 係上面睇好似七星, 所以住係哩區D人都叫自己住係七星潭
所以哩個海灣就因此而命名
七星潭的風景好靚, 仲見到有大漁船打魚, 附近仲有魚賣, 好新鮮GA
之後去咗包車叔叔介紹的南華老牌牛肉面食
好味道~~~ ^^ 唔怪得佢要介紹LA~
牛肉湯底好味, 牛肉又入味, 正!
夜晚出返中華路行街, 牛肉面已經太飽, 買咗D生菓返去食就算了~~
明天要一早起身去菓鋪買愛文芒果~~~我最想買的手信~~~