spiderman 已經係第三次reboot, 唔知點解, PETER PARKER 每次reboot就越做越細, 今次仲只係15歲的少年人, 連青年都講唔上~~
其實到而家我都係最懷念Tobey Maguire做的第一代spiderman, 覺得佢係真純真的一個, 最鐘意睇spiderman 2, 好記得有一幕他在救火車上的人, 之後他力歇暈倒, 人們發現原來看似invincible 的spiderman 只係一個這麼小子時的驚訝~spiderman 雖然有超能力, 但我覺得他又是一個有愛情及學業煩惱的後生仔係佢同其他英雄人們最不同的地方~不過tobey maguire的第3集真係勁差, 完全影響哂我當時睇完第二集後對第三集的期待!
今次做PETER PARKER 的TOM HOLLAND 當然冇戲中的年紀這麼少, 不過可能佢生得童顏, 覺得真係好似一個初中生一樣~ 上一次睇佢做的IMPOSSIBLE 仲係一個小朋友, 不過當然都覺得佢的演技好好, 但當時佢亦係演出比佢實際年紀細幾年的角色~
今集spiderman 因為年紀設定只係一個中學生, 所以戲情又相繼輕鬆同青春咗好多, 而且PETER 的主要煩惱亦同普通少年人一樣是愛情及身份認同的問題~ 他有一個美麗的Aunt, 亦冇好似第一輯Tobey Maguire這樣是一個窮困的青年, 所以他在物質生活上應該是OK的~ 在學業上他的Midtown Science High School應該是一間天才學校, 個個係入面都勁聰明, 他的朋友仔就已經可以HACK 得入IRONMAN 整俾佢的戰衣已經係聰明到冇人有了~ 而且他亦有IRONMAN 這個billionaire 在背後的關照, 所以PETER 其實在生活上沒有太大的煩惱, 就好似現今的小朋友一樣, 其實父母都已經多翻照顧, 沒有太多的困難要面對~ 話雖如此, 每人也青春過, 雖然而家諗返起都覺得當時的問題好小兒科, 但在當時卻好像PETER 一樣覺得是一件大事~
PETER 喜歡做SUPER HERO, 他希望可以好像IRONMAN 他們一樣成為保護地球的AVENGER 的一份子~ 不過TONY 卻覺得他年紀太小, 雖然他有SUPER POWER, 但卻不希望他加入~ 擁有一棵熱情的心的PETER 每天也希望再被TONY 招喚, 連學校也沒有心機上堂了~ 因為PETER 年紀這麼細的關係, 今次TONY 今次由平時輕佻的IRONMAN變成像爸爸一樣的角色~ 雖然ROBERT DOWNEY JR. 出咗唔係太多幕, 但一樣好CHARMING~ 他教訓PETER 的說話其實亦是自己的自身經歷, 回想一下, 由IRONMAN 1 到而家的SPIDERMAN HOMECOMING, 真係過咗好多年, 感覺真係每人又成長了很多~有一幕在天台上IRONMAN 罵PETER 的輕率而差點害死船上所有人, PETER 就話又唔CARE 我, 如果CARE 我就自己黎唔會次次都REMOTE CONTROL 個機械人黎LA~ 諗唔到TONY 今次真係親自出動, 感覺上真係有點感動, TONY 對PETER 其實都真係幾有心的~
另外, 壞人方法, 今次的角色亦比較貼地同有血有淚, 只係一個小人物的角色, 並不是一個殺人放火的大壞旦或是外星人~ 而亦很適合做PETER 要對抗的角色, 令觀眾亦睇得比較真實, 唔會覺得一個黃毛小子無啦啦就變咗勇者去拯救世界~
不過故事有幾點係有少少BUG 的, 就係入面的角色個個都設定得好聰明, 好似PETER, 好似佢的胖子朋友, 又好似壞人組織入面的發明家, 其實個個都咁叻, 好心政府他們就應該一早吸納人才, 黎發明係新武器都好呀! 最少這樣便不會有這個壞人出現吧~
P.S. 美國隊長的VIDEO 好搞笑, 但點解佢變咗逃犯但D 學校仲播佢D VIDEO 教育學生呢?
另外, 唔明點解電影話係LOKI 事件後的八年後, 點計係八年呢? AVENGER 係2012的電影, 唔通當時時間設定唔係2012 定今年的設定不是2017?