感覺哩幾年韓國的電影真係越黎越高質數, 不單只題材豐富, 而且製作上的特效及規劃都好大型, 可能未必比HOLLYWOOD 好, 但感覺上已可以拍得住佢哋~
又或者可能片商入得的韓國電影都有返咁上下, 今年我睇的幾套韓國電影, 應該都可以算得上我今年的十年電影之一, 覺得香港的所有東西真真係每況愈下了, 不論是劇集或是電影, 已經比其他國家追上黎, 諗吓都覺得心酸~ 唉!
其實故事都係典型的災難戲, 再加上韓國電影很喜歡的分別代表南北韓兩個男主由不打不相識, 到成為好兄弟~ 戲中可能都同導演一樣咁諗, 切肉不離皮, 南北韓都是同一根, 同是兄弟, 最最邪惡的不是美國, 便是中國了~ 所以唔怪得之中國唔俾佢播LA~~ 哈哈~~ (不過中國咩都唔俾播, 唔俾做, 電影一直都做唔好係正常的, 咁多CONTROL, 咩創意都冇LA, 搞都香港都一樣, 都係一潭死水!! )
雖然有些例牌, 但是河正宇的角色幾得意, 佢嗰套TEAM 的設定有些笨笨的, 雖然一樣是特工隊, 但因為是技術人員, 所以冇咩實戰經驗都好正常, 而佢作為哩TEAM 人的LEADER , 又冇咩權威咁又真係幾搞笑~~ 可能平時拆彈都係合作, 都冇咩LEADER FEEL, 仲要問吓大家意見, 唔怪得之北韓的特工都要取笑他了~~ 哈哈~~
結局雖然我都諗到, 但都幾感動, 最少北韓特工的女兒可以在南韓有好日子過, 我相信他也希望有這個結局~ 我又諗起鄭雨盛的鋼鐵雨, 他一樣希望家人有好日子過而犧牲了自己, 他亦和這套戲一樣到最後最相信的便是這個相識了不久的南韓PARTNER~~
河正宇已經第三年係哩個新年檔期有電影上映了, 真的很厲害~~~