鐘意咗黃子華好耐,雖然佢唔係叫靚仔, 但一直都覺得佢好型~ 同好多香港人一樣, 都係由男親女愛開始鐘意佢, 但我更加鐘意佢之後的楝篤神探, 覺得哩個角色更加切合黃子華本身的特質 記得幾年前深夜重覆過一次, 一樣咁好睇~ ^^ 不過比起拍劇, 子華的楝篤笑更加發揮佢個人的特質 我一直以為黃子華係楝篤笑起家, 聽完血淚史2後,先知道佢原來係演員起家 其實睇有線重播的舊電影好多時都見到黃子華, 嗰陣仲以為佢楝篤笑出咗名後諗住拍吓戲賺吓外快 諗唔到原來佢本身的夢想係做演員wor~ 講真, 佢拍d戲真係一般, 可能電影局限太多, 而黃子華的演技唔叫好好, 所以唔得出彩 反而電視劇有多d空間俾佢發揮自己的長處, 所以佢套套電視劇都幾收得~ 講返今晚的楝篤笑, 黃子華的楝篤笑我唔叫睇哂, 入場及dvd 大約睇咗4-5個 今次的楝篤笑絕對係水準之作 可能有人鐘意佢講政治d嘢多d, 但對我哩d小女子黎講, 娛樂血淚史的話題更加吸引我 而今次的笑料揀直洽到好處, 唔會太低俗, 但又唔會要人諗吓先明白 一講即笑又好有意思, 真係要俾十個贊佢~ 而且雖然紅館俾伊館個場大好多, 但子華控制氣氛亦都一流, 一個talk show,...
Continue Reading