學校放假, 難得個天唔落雨 (哩排真係隔兩日落一落雨GA), 所以決定要出去玩吓~
其實東京近郊我都有好多地方未去過, 不過難得今次鎌倉有紫陽花睇, 睇落又好似幾吸引咁, 就揀江之島同埋鎌倉LA~~~
由新宿去鎌倉都算幾方便吓, 仲有兩條電車線俾你揀添~ 而且時間只係一個鐘左右, 所以絕對係東京近郊遊的好地方~
因為打算去埋江之島的關係, 所以決定唔搭比較快的湘南新宿線, 而改搭小田急線~
由新宿去到滕澤, 可以選擇只買江之電的全日PASS, 或者是加埋JR 及湘南MONORAIL的全日PASS
因為只係相差100 YEN的關係, 最後就買咗後者LA( 不過可惜最後都冇搭過MONRAIL~~ >,<)
今日的行程主打為江之島及紫陽花, 因為時間有限, 鎌倉觀光的景點只鎖定了大佛及八幡宮, 下次有機會先再去其他地方LA~
滕澤轉乘古舊的江之電後, 第一站便去江之島出發~~~
江之島是一個小島, 有接駁橋直達, 由車站步行大約15分就會打算江之島了~
江之島大部份景點如神社, 岩屋等等都是依山興建, 雖然唔係好高, 但係要一級一級樓梯行上去都幾攰吓~~ 如果大家怕攰的話, 可以搭江之島扶手電梯，5分鐘即可達江之島的山頂 (不過當然要收費LA) 但係如果你係打算入場參觀岩屋及燈塔的話, 就可以買張1000YEN的PASS, 扣減了嗰兩個地方的入場費的話, 電梯等如唔駛錢~~~~ (可惜我係落山後先發現哩樣嘢…. 殘念~~ >,< )
島內有邊津宮、中津宮和奧津宮，3個合稱江島神社。順著參拜佛像，自然地可以繞江之島一周。聽講這裡供奉的弁財天是日本有名的3大弁財天之一, 不過我唔信哩D嘢, 反而覺得島上的龍神幾有吸引力~ 去過唔少神社, 見過供奉不同的天神, 不過今次江之島的龍神卻係我去過咁多神社最浪漫的一個~~~ ^^
一條惡龍為禍人間, 天上派了一個天女黎收拾祂, 想不到天女不用出手, 一出面美色已經臣服了這條惡龍~ 可惜襄王有夢,神女無心, 惡龍為咗要取得天女的芳心, 決定要改邪歸正, 成為守護神~~ 呵呵~~ 幾浪漫~ 唔知最後天女有冇心動呢?
一路行, 就去到位於島的中央江之島燈塔~ Samuel Cocking植物園內的瞭望台高60m, 而且是有玻璃的360度屋內瞭望室和屋外瞭望室~ 可惜因為今天風太大, 室外冇得開放, 都幾可惜吓~~~~ >,< 去完燈塔後, 繼續沿路向前行, 途中經過很多小餐廳, 因為是小島的關係, 每個餐廳也可以看到海, 若行得攰的話都可以入去食吓嘢休息吓~~~
一路往下走, 經過龍戀之鐘後, 就去到江之島岩屋~ 這是經過6000年的海水侵蝕形成的海蝕洞窟──江之島岩屋。入面分開兩個山洞, 途中更有工作人員分發蠟燭給我們一路行一路照明, 所以全個山洞漂浮著神秘的氣氛。出面的步道上 的海景亦非常壯觀, 唔入場都值得行下山一看~~
諗唔到行完江之島都差唔多2點鐘, 即係快手快腳行去車站搭車去今日的重頭戲, 紫陽花賞花遊出發~~~
諗過介紹, 決定去3個寺院鐘紫陽花, 分別係成就院, 長谷寺以及明月院 (不過可惜最後去唔到明月院~~ >,<)
其中江之島車站到腰越車站之間是日本目前唯一的路面電車，在狹窄的街道上, 我們的電車因為前面的車子泊的位子不好而滯礙了一段短時間~~
第一站, 成就院, 極樂寺駅下車, 一下車, 旁邊便是極樂寺, 看了一看覺得沒有什麼特別後, 便去成就院出發~~
成就院是入去參觀唔駛俾錢, 諗住應該都冇咩好睇, 點知佢條紫陽花路卻極之靚~
如果再少D人的話, 真係PERFECT 哂~~~ (不過可能性等如零, 已經WEEKDAY 黎都咁多人~~~)
一條大約100M的路, 兩邊各有不同種類的紫陽花, 幻想吓如果得我一個人係度行, 你話幾浪漫呢`~~ (發夢中~~)
成就院後, 就去長谷駅的長谷寺~ 長谷寺有全日本最大的觀音, 不過冇得影相, SHOW 唔到俾大家睇有幾大~~
入面有一把免費的介紹紫陽花扇子贈送, 咁熱的天氣下, 的確唔錯!
長谷寺的面積都幾大, 觀賞紫陽花的地方為一個小山坡, 品種都幾多幾靚, 不過我都係鐘意成就院的紫陽花路多D~~
望吓個鐘, 都差唔多4點半, 知道去唔切明月院了, 不過雖然只去咗兩個地方睇紫陽花, 我都已經滿足了~~
見到都唔夠時間, 就決定去下一個景點, 高德院的鎌倉大佛~
其實大佛對我黎講唔係太吸引, 咁大佛, 香港都有啦~~~ 不過黎得鎌倉, 唔睇佢個大佛又好似怪怪地….
其實個大佛都唔係好大, 不過近看都叫有D氣勢~ 而且最得意係可以入內參觀, 入面有介紹個大佛係點接駁出黎~
旁邊還有大佛的草鞋~
大佛過後, 終於去真正的鎌倉車站出發LU~~~
但時間已經幾夜吓, 我估大部份寺院已經CLOSE 咗, 就決定搭車去北鎌倉, 再慢慢由上面行去鶴岡八幡宮, 感受一下鎌倉的街路~
途中買咗杯紫色蕃薯電糕黎食, 哈哈~ 同D中學生一齊排隊買雪糕的感覺令我突然好似年輕咗十年添~~~ 嘻嘻~
最後景點, 鶴岡八幡宮, 八幡，是源氏家族與一般武士的守護神~
鶴岡八幡宮是日本三大八幡宮之一，也是古都鎌倉的象徵性地標之一 (不過還有那兩個呢, 我就不知道了~~~ >V<)
可能因為已經差不多六點的關係, 入面冇咩人~ 不過的確是一間很有氣派的神社, 長長的樓梯才到參拜的地方, 之後行返去鎌倉車站時,
更加發現鶴岡八幡宮的氣派, 原來由車站往右開始, 便有一條幾百米的若宮路直入八幡宮, 往中更有兩個島居, 非常有派頭~
春天的時候應該會在路的兩旁開滿櫻花, 可惜現在是夏天, 只看到青綠的綠子, 沒有春天的詩意了~~
滿滿天色, 開始入黑, 也是時候結束旅程了~
雖然行得好攰, 卻十分滿足~~