真係好攰~ 諗唔到著住對高跟鞋足12毎鐘係咁痛苦ga~~ >,< 真係好辛苦~ d 腳趾好似腫哂咁~~ >,< 下次知道要行咁耐, 一定要帶對鞋黎換先得!!!!! 今日終於畢業la~ 自從小學畢業後, 亦再一次踏足ac hall 的台上, 哈哈! 原來時間係過得咁快ga, 轉眼間就十幾年la! 拎咗張畢業證書, 參加完畢業典禮, 可以話正正式式畢業, 亦都係時間再努努力力搵過份工黎做la! 希望可以快d搵到la! (不過年尾, 都有d 危~) 今日比尋日更多人黎bu影相, 成個bu 都充滿著人, 亦都令我明白bu 真係好細ga~ 每個地方都要排隊先可以影到相! 所以影相的技巧就係攝位及快! 只要做到哩兩樣, 你先可以成功地影好一張相 ^^ 同完屋企人影相, 之後就同返d同學仔影相, 真係影都影到攰~ 而且亦令我明白雖然有扎花係手影相係靚d, 但係佢真係好重吓! 拎到隻手好痺ar! 晚夜同d同學去咗尖咀食pizza, 隨便同阿輝celebrate birthday~ (諗唔到阿輝係我哋成班人最細一個, 哈哈! ) 之後我哋成班人好無聊咁去咗海旁著袍影畢業相~ 哈哈~ 即刻好多人都望住我哋~ ^^ 好得意!! 可惜大家部相機都冇咩電, 唔係可以影多d相都幾得意ar!!!
