(2/11)
為什麼會自己一個無端端黎北海道呢?
只係因為一樣, 就係平!!
SKYMARK 開咗新的成田線上北海道, 勁平! 係受唔到咁平的引誘下, 係冇PLAN 過的情況下就係兩個月前買咗機票
旭川入, 札幌出
因為北海道已經去過兩次, 所以今次會玩其他未去過的地方~
係出發前兩個星期, 終於定咗行程
就係旭川, 層雲峽, 釧路, 阿寒湖, 札幌, 當然行程中一定唔會少得要住一晚溫泉酒店先得LA~
黎得阿寒湖, 一定要去鶴雅享受一下LA~~ ^^
第一晚去到旭川已經係六點幾, 放下行李後, 便出去搵食~
旭川出名拉麵, 就去咗蜂屋食醬油拉麵~
間鋪頭冇咩裝飾, 但味道卻係一流, 係我食過最好食的醬油拉麵~
之後見到時間尚早, 諗住搵多個節目~
不過哩個就係我最唔鐘意北海道的地方, 除咗札幌外, 真係唔明點解就算係大城市如旭川, 稚內, 釧路等等, 夜晚都係靜英英的, 好似死城咁樣(可能我誇張咗dd la), 總之就對出身香港的我黎講勁唔習慣la~
想搵套戲睇吓, 都要去新旭川車站附近, 夜晚仲要成個鐘頭先一班車!
其實套戲我唔係特別想睇, 但對d 做唔到的事我突然好想做到佢! 就膽粗粗地決定行去!!
最後行咗成45分鐘先去到, 仲要條街黑麻麻咁, 真係死咗都唔知幾耐先有人知道呀`~~ =,= 好彩日本治安好咋~~~
睇完戲後, 受咗教訓, 決定搭jr 返酒店, 但要等11點幾的尾車, 只好係戲院下面的game center 消磨吓時間~
差唔多夠鐘就行去車站搭車~ 諗唔到仲驚嚇過行返屋企!
個車站空無一人, 連入閘都冇, 黑麻麻一片地等尾班車, 之後隔離仲要開一部裝貨的火車黎, 當時真係心諗有冇火車黎接我走ga!
禍不單行地仲要落埋雨, 真係有d後悔咁任性去咗睇戲~~ :p
好彩最後都有火車黎, 不過係單卡火車~ ^^ 而俾錢的地方係同車長俾錢~ 哈哈!
這應該算係我人生最驚嚇的等火車經驗了吧!