5/11
黎到日本四圍旅行後, 住過唔少平價酒店, 發現最鐘意都係SUPERHOTEL~
地理位置方便, 房間乾淨, 女仔又有旅行小禮物送, 而且最鐘意有一個西式的早餐, 真係一間住得好開心的酒店!
釧路的SUPERHOTEL 一樣住得咁HAPPY~
釧路最出名的名勝便是濕原國立公園, 這是日本最大的的濕地釧路濕原國立公園, 出名在於曾被認為已經滅絕的丹頂鶴在濕地內依舊繁衍生息, 並於昭和10年被指定為國家天然紀念物~
由釧路駅有巴士直接到釧路濕原展望台, 交通算方便, 不過班次唔多, 所以要睇好時間表~ 展望台入面有資料介紹濕原及丹頂鶴, 外面亦有一條散步道可以遠望濕原的風景~~ 我都有用D大望遠鏡黎睇吓搵唔搵到丹頂鶴, 可惜真係連影都唔見~~ >,<
睇完濕原後, 就搭返巴士返釧路駅附近的和商市場食LUNCH~
這是北海道三大市場之一, 內聚集約80家店,絕大部分為販賣海鮮的攤商~
入面最出名的便是勝手丼, 係可以自己自由選擇海鮮配料的魚生飯!
食的第一件事當然要去買白飯, 入面有幾間鋪都有得賣, 有大中細之分~ 之後就拎住碗飯去賣魚生的地方自己揀配料
當然買幾多, 平與貴就自己決定LA~~
坐低食飯時聽到隔離枱係香港人, 佢哋仲好豪咁買咗一隻大蟹黎食~~
差唔多時間, 就返酒店拎行李出車站附近等去阿寒湖的接駁巴士, 車程大約2個鐘, 阿寒湖所有酒店都差唔多係哩個位到等車, 佢會因不同的酒店分開車坐, 係車站睇吓係咪自己間酒店就OK (不過其實都係同一條路, 我估就係坐錯咗都冇咩問題~~)
我揀咗住鶴雅的別館, 價錢平D, 不過一樣可以用鶴雅的溫泉同BUFFET DINNER, 而且可以坐旁邊鶴雅花ゆう香的巴士去鶴雅, 非常方便~
CHECK IN 後, (房間唔錯, 好大!) 就拎嘢去出發去鶴雅浸溫泉~
鶴雅是北海道很出名的酒店, 阿寒湖最高級那一楝鶴雅別館鄙之座更是舒琪拍的非誠勿擾入住那一間~
雖然今次去唔到鄙之座, 但鶴雅正館的溫泉亦是非常出名的~
鶴雅還有貼心的北海道薯仔每天下午免費提供俾住客食用~
溫泉分別有1/F 的和”風大浴場 豊雅殿/ 庭園露天風呂 鹿泉の湯” 同埋8/F的”展望大浴場 天の原/空中露天風呂 天女の湯”, 分別會係早上及夜上交替男女黎使用~ 我去到時岩岩係8/F 的浴場開放俾女仔用, 天空的溫泉浴場可以睇到成個阿寒湖, 一邊浸溫泉一邊享受風景, 十分寫意~
因為BUFFET 分開兩段時間, 我揀咗晚一點的第二段時間, 見浸完溫泉後時間尚早, 就去咗附近的阿寒愛奴族村子參觀吓~~
愛奴族喜歡舞蹈與木雕, 所以兩旁有很多藝品店林立, 可以買到手工製作的裝飾品、木雕 的熊等等特有的名產, 我最買咗一對小耳環, 亦同店主傾咗幾句~ 在部落正中央的愛奴之家,有被視為日本重要無形民族文化財的『愛奴古式舞蹈』觀賞, 不過因為要俾錢同唔夠時間的關係, 只好下次有機會先再睇LA~
晚餐的BUFFET 是鶴雅出名的百款自助餐, 款式非常多, 用料亦精緻, 絕對物有所值~ 最感動係美味的和牛及多款GELATO 任食~~~