7/11
已經黎過SAPPORO 幾次, 數一數, 景點都應該行得八八九九
搭早車黎到SAPPORO 後, 嘆返個早餐, 七點都未夠, 就好無聊咁上吓網睇吓仲有咩嘢景點未去~
其實我最想去睇紅葉, 但因為今日只得半日行程, 去遠一D的地方又趕唔切, 最後搜尋咗一輪消息, 決定去北海道大學
北海道大學日是日本知名國立大學，也是歷史上七所日本帝國大學之一，簡稱為北大
北大的校園好靚, 好有學院氣息, 亦有一點歐美大學的感覺~
我去過的大學唔多, 感覺上, 北大絕對我心目中數一數二的美麗大學校園
因為開始落葉的關係, 全個校園的地下都是鋪滿了黃色或紅色的樹葉, 十分浪漫~
如果我讀大學時的大學有咁靚就真係好LA, 唔知哩度D人係咪多D拍拖呢? 嘻嘻~
參觀完大學後便打算返車站食拉麵, 途經舊北海道政府紅磚辦公樓便入去參觀吓~
北海道政府紅磚辦公樓是札幌市早期建城時期留下來的古蹟，內有關於札幌市早期歷史資料的展示，同時有「北方四島」的特別展示區, 都叫值得過來一看~
最後又去返拉麵共和國食拉麵, 今次揀咗白樺山莊~
白樺山莊出名的是味噌湯底, 湯頭味道十分濃郁,麵條亦很彈牙~ 而且他們可以讓顧客隨意享用新鮮的熟雞蛋, 感覺十分貼心, 是一間很受歡迎的拉麵店~
享用完美味的拉麵, 再加多一個濃郁牧場牛奶雪糕, 今次的北海道之行又畫上美妙的句號了~~~ ^^