諗唔到睇戲都可以睇到暈船, 勁!
證明套戲真係拍得好真實吓~ 笑~ ^^
同朋友去睇, 因為TOM HANKS
諗唔到朋友話原來佢舊公司就係CAPTAIN PHILLIPS 間船公司
當時哩件事好大件, 所以佢哋全公司都傳得好勁
聽一聽佢講, 間事好似更真實, 睇時更投入~~ ^^
其實故事好簡單, 就係講海盜打劫隻貨船
中間有D阻礙, 所以捉咗CAPAIN 去間救生艇, 希望可以用佢黎當人質換錢
故事得幾個人, 最出色當然係TOM HANKS
佢做的CAPTAIN PHILLIPS 沈穩, 聰明, 盡責, 係一個好船長
佢被迫去咗架救生艇後, 亦都好清楚當時的局勢
見到咁多美軍黎到, 到估到冇可能會和平解決,
除非所有海盜舉手投降, 否則一定流血收場
導演寫到D海盜並不是十惡不赦, 全套戲佢哋都冇殺過一個人, 反而佢哋一個被人重傷手, 一個重傷腳
TOM HANKS 係中間嗰段同個海盜講, 話你可以揀唔行哩條路, 但海盜MUSE 答佢話可能係美國就有得揀….
其實海盜並一定就係邪, 係黑, 其實佢哋都有灰色的一面
就好似嗰個海盜細路咁, 除咗佢生係咁窮的地方仲跟咗人上船打劫外, 佢心地其實都唔壞, 其實係咪真係抵死呢??
其實諗落去都幾悲哀!
貪心當然係哩班海盜失敗的原因, 但佢哋亦係被人迫上梁山
如果佢哋冇收穫, 反到去家鄉一樣係俾人欺凌, 亦都冇好結果~~
所以諗落真係覺得佢哋幾慘~