今年都叫會睇幾多套戲, 首先講吓頭三套先
ALL THREE OF US
金曲金后
神女觀音
三套我覺得都唔錯, 最少唔會伏先
講故事本黎我以為金曲金后會好FUNNY, 但個結局有些怪, 睇完後我發現唔係好知個導演其實想表達咩嘢
(不過故事係有趣的, 我有興趣睇吓HOLLYWOOD 版會點做)
神女觀音講出韓國的弱勢社群同埋老人問題, 女主角係做得好, 不過有些情節有些夾硬黎
但睇完後的確令我覺得香港都真係要諗吓全民退保哩樣嘢, 唔係老咗冇錢唔係執垃圾就要去做妓女, 你話幾慘!
ALL THREE OF US, 導演自導自演, 演出他父親的經歷
前半部份好有趣, 但後半部份去咗法國後就好似冇咗開頭佢搞政治的PASSION 同埋不顧一切
其實佢開頭咁愛自己的國家, 係咪後半生因為有咗安穩的生活後就冇咗嗰個愛國之心呢?
年輕時可以放棄一切, 放棄家庭, 但人大咗, 當自己有咗家庭後, 係咪就會放家庭係第一, 國家係第二呢?