一直都幾欣賞子華, 再加上本身我亦好鐘意睇DRAMA, 所以一見到佢做DRAMA 前度, 仲要係我愛的英國DRAMA, 當然好希望去睇LA
點知諗唔到真係咁難買到飛, 不論優先售票或公開發售時上網及打電話都唔得, 仲差D俾人呃埋錢 (最後話要報警先黎退錢), 但又咁快彩最後用一個貴少少的價錢可以買到一張都叫幾靚位的飛, 終於有機會可以欣賞到哩個咁一票難求的話劇
首先講返睇套DRAMA, skylight 係英國劇作家DAVID HARE 的作品, 他以強烈政治觸覺見稱，但是又不會流於說教，因為他描寫人物極之細膩, 睇返WIKI, 先知道原來The Hours, The Reader 都係佢的作品
全劇主要角色是一對舊情人 富有並且有商人本色的Tom與年輕身為山區老師的Kyra，Kyra年輕時認識年紀足以當她爸爸的Tom，成為他家庭的半個女兒，Tom的獨子Edward也視她為 大姐姐，可是Tom與Kyra後來兩人發展婚外情，最終Tom的妻子揭發兩人關係，Kyra決定不辭而別。全劇開始便是已經多年後, 由Edward開始始找KYRA 並交代母親已經死去一段時間開始, 到之後TOM 找上門, KYRA 由 冷代他到兩人愛火重燃… 一段好似不倫的感情是否會因為妻子這個阻礙去世而可以繼續下去呢? 看似可以, 但劇中話你知, 一段感情最大的阻礙不是人, 是兩個價錢觀的不同, 當你以為會他很接近, 原來那已是最遠的距離
男女主角單睇角色的定位同年紀都非常適合子華與法拉
我一向唔覺得法拉好戲, 但今次睇哩套話劇我覺得有耳目一新的感覺, 如果你問我, 我會覺得佢做得仲比子華好
子華其實好適合哩個角色, 但可能因為太適合, 所以好有子華的影子, 少咗一點商人TOM 的感覺, 入面有一些到政治及價錢觀的對白, 實在有時太有黃子華的特色, 好似令人有一D 難入戲
全套戲一直都睇得肉緊, 高潮叠起, 不過結局我唔係好明白, 那一個英式的早餐代表咩嘢? 代表KYRA 的口是心非, 定係代表KYRA 雖然好似滿有熱心想代入那低收入的人群, 但骨中裡還是BLUE BLOOD 呢?