諗返起, 第一二集BJ 真係好耐之前的事
但當時真係覺得好好睇, 浪漫得黎有又D幽默感, 係英式好正的愛情故事
女主角唔靚, 但係性格直率可愛, 肥肥哋咁, 但卻有兩個不同性格的俊男追求
其實而家韓劇都係用哩個主題~~
一個花花公子的老板, 同一個唔太夾性格的青年才俊
哈哈, 真係越睇越似韓劇!
當年我會覺得我會鐘意HUGH GRANT多D, 但哩幾年我已喜歡越老越型的COLIN FIRTH.
英國人真係有D 年歲仲型~
不過女主角好似變咗樣咁, 老咗其實冇問題, 唔知點解個樣好似整個容咁 (或者叫整容失敗咗)
見佢訪問時連對眼都淨唔大, 好恐怖呀!
不過佢係套戲度表演都OK, 都係有D失魂, 但都不失可愛
今次講兩個淨個B, 當然明眼人一睇就知佢一直都鐘意真命天子MARK DARCY
就算JACK 好似樣樣嘢都好好, 但佢都係希望可以同MARK 係埋一齊
但MARK 其實都幾好, 所以就將設定得有錢又細心的JACK 比下起了, SORRY JACK….
MARK 吃酸的樣子很可愛, 我仲以為佢會好似上集同HUGH GRANT 打架咁同阿JACK 打架添~
可惜最後都冇,唔係我都想睇吓佢拍咗KINGSMAN 後打架會否型咗~ 哈哈!
冇得睇添….
唔知仲有冇下一集呢? 應該冇LA 掛~~~~
(不過其實哩集都OK 好笑, 我收貨)