哩套電影我個人等咗好耐, 首先因為知道佢漫畫改篇, 覺得題材幾得意, 所以之後都有睇哂佢第一部漫畫, 而第二部就睇咗一半
另一個原因就因為有車太賢
車太賢一直係我好喜歡的韓國明星, 雖然唔係靚仔類型, 但覺得佢做搞笑與感人的角色都好出色, 係一個可以打入人心的演員
不過先唔好講套電影, 講吓D 影評
有時覺得網上真係一個好特別的地方
一樣東西, 有人會捧到佢天咁高, 但同一樣東西, 又有人會覺得佢好似地底泥
有時我真係懷疑緊大家係咪係平行時空睇緊唔同的東西
又或者有D人覺得一定要同所有人唔同先叫高人一等
人哋會好睇咩, 咁佢就要講到佢有幾差得幾差, 就要叫埋佢垃圾先OK
講真, 哩套電影未必完美, 但不論劇本, 編導以及演員, 甚至特技等等都係水準之作
你唔鍾意OK, 但有咩可能會覺得佢係垃圾之作呢?
明白唔到GA LA!
電影上比較起漫畫, 其實都有唔少改編的成分, 但今次我又幾鍾意佢嘅改編
有睇開漫畫的都知佢CUT 咗律師哩個角色, 而把律師的角色融入了三使者身上
之前睇漫畫一定都覺得故事的發展有些奇怪, 三使者和律師其實完全分開咗兩條主線, 關連可以話有但唔多, 其實點解要咁樣寫呢?
而家改篇後, 覺得故事冇咁散, 集中得黎亦將D 角色的首尾呼應做得好好多
車太賢今次的角色我一直覺得幾適合他, 因為他之前幾套作品亦是這種大好人, 但笑中有淚的角色
不過今次發揮好似冇其他幾個角色咁多, 但OVERALL 都唔錯
河正宇演的江林好型, 我覺得佢應該先係主角, 因為下一集應該都有佢哋
他做到那一種悲天憫人又帶點正義感的使者角色, 在人間調查怨魂時他的搞笑與憐憫, 令我覺得他是一個很有心的使者, 並不是冷冰冰的死神~
而且他和其他兩位日值及月值使者也很夾, 是一組很有愛的三人組合 ^^
故事結局很感人, 雖然係有些煽情, 但是最後弟弟和媽媽的對話很動人
有怨恨亦有原諒, 因為還是一家人嘛
不過七層審訊上, 我覺得有些罪名其實太無理, 先唔好講最後那一樣大罪
一個這麼好的人也有這麼多罪, 真是睇到都有D心寒, 唔怪得之個個都怕死LA
感覺上基督教那一種比較帶有寬恕的愛, 好像比這種中國式一點的地獄來得窝心
第二部今年好似年底會上, 不過第二部係講家神, 好似冇第一部地獄之行咁有趣味, 唔知會唔會一樣咁收得呢?