這套是改編香港杜SIR的毒戰, 因為我對中港合拍的電影一向冇咩興趣, 所以並冇睇過毒戰, 但記得當時有宣傳的重點係電影有注射死刑的全部過程, 我覺得咁恐佈, 都冇咩諗住睇~
韓國一向都好喜歡香港的電影, 所以今次佢改編哩套都唔出奇~ 我主要睇係因為入面有信號的趙震雄與及一向都幾鍾意的車勝元(不過哩個應該我媽咪鍾意D) ^^
睇完後, 感覺好好, 特別喜歡人物設定及最後結局的安排, 那段NORWAY 的雪景好美, 我看完後覺得有點像科學怪人的結局, 兩個互追到天崕海角的結果, 帶點淒美的色彩
趙震雄自SINGAL 後已覺得佢好好演技, 今次亦成功扮演一個帶有執念的組長, 他在戲中兩段好像OCEAN ELEVEN 一般換身份欺騙雙方的戲碼演得非常好, 亦睇到觀眾都捏一把冷汗~ 而且戲中吸毒的人真係好癲狂, 好似精神病咁, 真係唔知佢哋下一秒會有咩行動, 真係好恐佈~
而車勝元只係特別演出, 但其實戲份幾多, 佢做哩個優雅的富二代, 真係幾有邪教教主的風範, 哈哈~
雖然最後不得好死, 但佢係抵死嘅~
男主角的阿樂原來之前逆司機係做學生的, 我覺得佢做得幾好, 亦因為他這份冷靜與淡定, 其實最後結局都講得通嘅~
但雖然佢身世係可憐, 但點解佢要繼續製毒呢? 為咗報復這個世界嗎? 欺騙了全世界, 最後帶著狗狗與及聾啞兄妹, 遠避到世界的角落, 但還是要繼續製毒的工作. 究竟是什麼原因呢? 不為名不為利, 是為了到自己出身的報復與回應嗎?
最後的最後, 趙震雄找到了遠在NORWAY 的阿樂, 那在眼眶中打滾著的眼淚, 在小屋中那兩杯咖啡, 那兩把放在茶几上的手槍, 那一句 你的人生有幸福過嗎? 他們兩人是信賴的朋友, 還是敵人, 那最後的槍聲, 是誰生誰死, 便留在觀眾自己猜想吧~~
