其實上年11月先去過SEOUL, 真係冇諗過咁快又去過的, 不過呢? 有時計劃趕不上變化, 因為咁好彩咁買到末公的紳士票, 又買到曹叔的jekyll and hyde (其實哩個最難), 所以最後1月又決定又完日本後再去一次首爾了~~
不過因為主要目的係為咗音樂劇, 睇三場, 咁其他時間又冇咩景點想去, 所以今次做咗D之前去韓國未做的的活動, 分別就係去咗滑雪以及摘士多啤梨~
首先我想講吓今次住的地方, 真心覺得非常非常方面. 上次住咗東大門的BUDGET IBIS , 已經覺得地段唔錯, 近東大門的APM 買衫區, 真係夜晚12點再去買衫都OK, 而且又有機場巴士直到, 附近又多嘢食, 真係一個好地方. 今次揀咗更加近地鐵站出口的東橫INN, 上次IBIS 要過多條馬路, 今次4號出口就係, 真係方面到爆, 而且仲要包埋早餐, 唯一唔夠IBIS 好係冇大浴場浸, 不過其他部份都好好~~
第一次去韓國滑雪, 設備好好, 而且又有FREE SHUTTLE BUS 去, 不過雪質就真係唔太好, 可能要去D有大雪落的地方會好D掛~ 但又想近首爾, 就真係冇辦法了~~ 但價錢都幾抵, 租板同鞋加LIFT TICKET 半日只係59000WON, 大約4百幾蚊, 都好抵玩
MUSICAL 方面, 三場都等到下班路, 曹叔雖然只係出黎SAY 咗個HI, 我哋係出面又等到變冰條咁, 但其實都NICE 嘅, 最少都出吓黎SAY 個HI~~ jekyll and hyde 真係好精彩, 現場聽THIS IS THE MOMENT 同CONFRONTATION 真係好正, 雖然坐二樓, 但都睇得幾清楚, 就算唔明韓文, 因為一早已睇咗英文版, 所以都冇阻礙睇劇的樂趣~~
WULI OPPA 的末公勁開心有下班路, 仲要俾我企到第一行, 雖然企邊邊, 但都好開心~~ 上一次11月冇見到佢真人, 今次見到, 真係特別開心. 不過唯一唔好係官網姐姐太嚴格, 對比起曹叔及第二日三哥的下班路, 感覺上冇官網組組會更好, 冇咁MEAN 同埋可以親切D, 不過都係經驗黎嘅, 又未必個個明星都想自己HANDLE D FANS 呢~
今次仲有第一次的韓國摘士多啤梨之行, 雖然有少少遠, 大約要一小時的車程, 但係玩得好開心 . 仲要好好彩地撞到個香港女仔, 佢哋又俾我JOIN 埋一齊搭的士同埋一齊摘完士多啤梨後去行吓附近的景點, 聽聞是拍韓劇她很漂亮的拍攝地點(不過我冇睇過) 園長叔叔亦非常搞笑同NICE, 因為有其中一個香港女仔識韓語, 仲可以做埋翻譯, 所以覺得大叔講嘢真係好搞笑~~
今次雖然只有短短的四天行程, 但玩得好開心, 而且好滿足, 覺得安排得好好 (自己讚自己? ^^) 不過今次住的地段真係好正, 非常便利, 仲可以夜麻麻去行街都唔怕冇車返酒店, 又有機場巴士直達, 仲要因為係好開頭的站, 唔怕冇位坐! 希望快D又有一個玩得咁開心的旅程LA~~~