其實係咪真係好文青呢? 我都唔知, 可能要加個”偽”字係前面~ 哈哈
不過唔係我自己話自己文青, 係包車的司機話我哋好文青, 可能我哋去的地方都係MUSEUM 同埋文創區等等, 其實因為我都唔知宜蘭有咩嘢玩, 都係叫民宿幫手諗諗, 再自己諗諗, 就定咗幾個地方出黎, 不過去完都覺得唔錯, 包車兩日, 再加搭長途巴士兩程, 行的時間其實唔算多, 都係一個幾輕鬆同開心的旅行 (不過每晚搞搞吓之後實在太夜訓了~~)
我們的行程如下:
DAY 1 香港-台灣-(巴士去羅東) 民宿接我哋去了傳統藝術文化中心-(有些似昂坪市集)- 之後車回民宿休息-夜晚再去羅東夜市食嘢
DAY2 蘭陽博物館 -掌上明珠午飯- 咖啡博物館 -中興文創園區 -幾米公園– 紅樓烤鴨(櫻桃鴨)
DAY 3 梅花湖-三星蔥體驗農場(蔥田拔蔥.蔥油餅DIY)-武陵農場 (夜晚富野渡假村有音樂會以及觀星活動)
DAY 4 武陵一帶行吓觀賞徑以及睇吓花-1:30搭巴士返出去台北-中間停咗棲蘭一陣, 再出台北時塞下車咁, 出去台北已7點-之後行吓西門丁. 買吓嘢, 成11點先去食麻辣火鍋.食完仲要去行家樂福, (好夜先返酒店… 不過今日都係車上訓著好耐)
DAY 5 台北-鴨肉扁-誠品/VACANZA 行咗一陣-機場(今次因為BOOK 咗BUSINESS, 有得入CX 的LOUNGE, 牛肉面幾好味 , 而且入面有COCKTAIL 任飲, 如果有多D時間, 的確係一個可以休息一下的休息空間~~
五天行程雖然睇落有少少趕, 但因為都有BOOK 車的關係, 其實都幾舒服, 唔算太趕~ 所以有車唔駛去搭巴士真係好好多~ 第一日的羅東夜市幾多嘢食, 三星蔥油餅好好味, 值得推介, 而且台灣的老虎堂真係好平好抵呀~~ 真係飲多幾次先等如香港一杯呀! 香港真係好好好貴!! 之後第二日去咗食咗兩餐貴嘢, 掌上明珠的無菜單日式料理以及紅樓的烤鴨~ 不過夜晚嗰餐真係太多嘢食, 二人叫咗個四人餐, 因為冇辦法, 只有四人餐呀~ 唔可以叫半隻鴨…. 味道係好味的, 不過份量實在太多, 好彩我哋都冇咩點浪費, 有打包返去, 有D仲留咗第二日去梅花湖當野餐咁食, 哈哈~~
武陵農場同我想像的唔同, 以為真係一個農場有生果摘, 不過原來係冇~~好彩我哋之前有去玩下摘三星蔥, 同埋整蔥油餅, 幾好玩, 而且唔知係咪因為自己整, 真係好好味! 雖然武陵農場我想像不同, 但住的地方富野渡假村唔錯, 可惜唔記得帶泳衣去做SPA, 唔係仲多嘢玩~ 好欣賞佢夜晚有音樂會同埋觀星會, 音樂會我睇咗程序, 大約五日左右就換一次, 都係一次CHAMBER MUSIC 或者不同國家的民歌, COUNTRY SONG 等等, 我哋去咗睇意大利歌, 當然佢都有唱一D日文同國語的改編歌, 大約一個多小時, 好正,一D都唔悶~~ 之後的觀星會都學識好多嘢, 不過唯一唔好係出去觀星時因為有D人駛走, 所以成日要避下車, 感覺有D唔安全~
DAY 4 下午坐車回台北, 都要大約五小時車程以上, 都幾耐下, 不過中間有停下, 去咗一個叫棲蘭的地方, 去咗蔣介石的行館參觀一下~ 夜晚行吓西門丁, 因為想行吓街買衫買嘢, 成11點幾先去食麻辣火鍋, 真係勁~ 食完後仲要去咗家樂福買手信返香港, 真係玩得好盡~~~
雖然只係短短幾日, 但今次台灣行程都幾開心, 又有D文青FEEL, 又有得飲飲食食, 而且價錢都唔貴, 宜蘭住的民宿叫藍會館我個人好鐘意, 如果我有一間咁嘅大屋就真係好了, 老板娘都好好人, 臨走仲有送手信俾我哋~~ BOOK 車司機安哥都好好人, 不但會安排行程, 仲會主動幫我哋影相, 下次一定要介紹他們給朋友先得~~ 哈哈~~