成晚都飄飄然咁, 好似發夢咁~~ ^^
實在係太興奮la~
諗唔到佢握手位排得咁早,好彩我坐得前, 都出到去握手~ (不過都唔係第一次lu~) 但可能排到太早的關係, 佢未warm up 好, 又太多歌迷拉住佢隻手, 令佢唱忘了你忘了我時唱得唔好~
而且, 個concert實在太短la, 真係好唔夠喉~~
唔明點解佢會去唱人哋d歌, 其實佢真係有太多自己歌冇唱, 有少少可惜~ (不過唱人哋d歌都好聽)
而且佢開頭幾首歌好似未開到聲咁, 但真係越唱好越好~ 我覺得開頭嗰幾首佢係有d緊張, 所以影響到表現! 綵排係亦有一點不足, 中段唱英文歌時因為絆了腳及耳機的問題有一點失誤~
但後面嗰part真係正爆!!!最型係佢講話人係會過氣, 但歌係唔會過氣, 之後好型咁講,你睇我哩首歌係咪去氣?! (唱誰明浪子心) 正爆! (講真, 哩首而家我去同d fd 唱k都會成日點黎唱!)
一場concert實在太浪費, 如果佢開幾場的話, 我估哩d細位就可以有改善, 令個concert 更加完美! 演唱會未必完美, 但在我心目中已經好完美~
全場爆滿, 係冇咁宣傳的情況下反應咁好, 點解唔開多幾場呢?
而且好多歌迷都由不同地方黎, 台灣,大陸,大馬等等, 而且日本都有(嗰幾個日本歌迷每次concert 未見!)
我都話佢開幾多場我聽足幾多場lor~
係咪真係有part 2 ga?
我好期待ga wor~~~ 期待下一次的再會!