五度公演
老 竇
顯 微 鏡 下 的 譴 責
是 現 在 與 過 去 的 交 錯
放 大 後 的 疼 愛
是 當 下 與 前 提 的 深 淵 ……
睇完哩套drama後, 真係幾感動~~
尋晚岩岩同媽咪嘈完, 其實某程度上, 或者我應該就吓佢, 讓吓佢la~~
雖然睇過劇場空間的drama唔多, 但係一直都幾鐘意佢哋的做法, 佢係唯一(我睇過la)的劇團每次劇後都會整個座談會俾觀眾講吓感受同意見~~~ 雖然我冇咩嘢問, 但係聽吓大家的感想都幾正! 而且大部份人問的問題都幾有深度, 最少知道佢哋係有思考過的, 真係好難得~~~ ^^
睇哩套drama未必切合每一個人的經歷, 就好似有人唔明點解個子可以咁涼薄, 明明係養子, 點解唔好似平時電視小說入面d主角咁對父母極之尊重, 極之感恩圖報ga 呢? 其實你話嗰子好不孝咩? 咁又唔係~ 俗語有話一樣米生百樣人, 我都體會唔到點解個仔冇大家想像中咁孝順父母, 但係我卻明白佢的做法~~ 有時男仔同女仔對父母的態度係唔同ga, 大部份男仔都冇女仔咁感性, 咁念舊~ 佢哋鐘意把感情放在心上, 就好似劇中阿擇咁~ 佢以為自己對父母已經冇咩感情, 就算有時黎探佢都可能只係一種責任~ 但到父母真係過身了, 原來發現對父母的思念一直冇停過~ 愛嗎? 恨嗎? 可能已經分不清, 但只有一點是明確的, 便是對父母不是沒有感情, 只是感情收藏了在內心罷了!
子欲養而親不在, 有邊一樣嘢俾哩樣更可悲呢? 所以阿擇是內疚的, 覺得愧對父母~ 所以佢唔想再想, 唔想再有爸爸的形像在腦中出現~~ 其實佢又可必這樣呢? 其實劇中爸爸講少咗一句俾佢聽, 就係“我做任何東西又是為你的, 我把我所有東西都給予了你, 因為你的快樂便是我的快樂!”